Букер-2019 атрымалі дзве пісьменніцы за раманы пра жаночую долю
Канадская пісьменніца Маргарэт Этвуд зноў стала лаўрэатам Букераўскай прэміі, але на гэты раз званне гайлепшага англамоўнага пісьменніка яна падзяліла з брытанкай Бернардыні Эварыста, піша bbc.com.
Прызначэнне адразу двух лаўрэатаў з'яўляецца парушэннем правілаў прысуджэння Букера, у якіх прапісана, што прэмія непадзельная, але журы прызнаецца, што проста не змагло выбраць лепшы з двух твораў.
Эствуд адзначана за раман «Запаветы» (The Testaments), які з'яўляецца сіквелам аднаго з самых вядомых яе твораў «Аповед служанкі». У «Запаветах» дзеянне адбываецца праз 15 гадоў пасля падзей, апісаных у папярэдняй кнізе.
Падзеі разгортваюцца ў патрыярхальна-таталітарнай дзяржаве Рэспубліка Гілеад, дзе суровыя законы грамадства пазбаўляюць жанчын якіх-небудзь правоў, пакідаючы ім толькі функцыю нараджэння дзяцей.
Эварыста ўзнагароджаная за раман «Дзяўчына, жанчына, усё астатняе» (Girl, Woman, Other), у якім аўтар распавядае гісторыі жыцця 12 персанажаў, большасць з якіх — чарнаскурыя брытанкі.
Кожнаму персанажу прысвечаны раздзел, іх шляхі мудрагелістым чынам пераплятаюцца, нягледзячы на зусім розныя біяграфіі і асяроддзе.
Аўтары падзеляць галоўную прэмію ў 50 тысяч фунтаў стэрлінгаў, і абедзве ўвойдуць у гісторыю прэміі: 79-гадовая Этвуд як самы сталы лаўрэат у гісторыі, а Эварыста - як першая чарнаскурая пісьменніца, уганараваная Букерам.
Цяпер чытаюць
Крык душы Бяспалава пра Ціханоўскага: Ён ператвараецца ў Лукашэнку 2.0, гэта траянскі конь82
Каментары