Салігорскі «Шахцёр» прынёс публічныя прабачэнні за паводзіны фанатаў перад матчам з «Гомелем». Заўзятары спявалі падчас хвіліны маўчання, абвешчанай у памяць Юрыя Блінова — піяніста з сусветным імем і cузаснавальніка «Крумкачоў», піша sport.tut.by.
21 красавіка, незадоўга да пачатку матча, Юрый Бліноў памёр. Ён не дабег некалькі метраў да фінішу на экамарафоне, які праходзіў у Гомелі. Дактары на працягу 50 хвілін аказвалі дапамогу 43-гадоваму музыканту, але выратаваць яго жыццё не змаглі.
Паважаныя сябры.
ФК «Шахцёр» ад работнікаў клуба, гульцоў, трэнерскага штаба і балельшчыкаў выказвае глыбокія спачуванні родным і блізкім Юрыя Блінова.
Таксама ФК «Шахцёр» прыносіць прабачэнни родным і блізкім Юрыя за сітуацыю, якая ўзнікла на матчы «Гомель» — «Шахцёр». Мы ўпэўненыя, што ў дзеяннях нашых заўзятараў не было злога намеру абразіць памяць пра выдатнага кампазітара і піяніста Беларусі, заснавальніка ФК НФК і проста добрага чалавека. Але гэта ні ў якім разе не апраўдвае таго, што здарылася. Таму мы яшчэ раз ад імя ўсяго клуба і нашых прыхільнікаў прыносім свае шчырыя прабачэнні.
З павагай і пажаданнем усім моцнага здароўя, ФК «Шахцёр»,
— гаворыцца ў заяве клуба на старонцы «УКантакце».
У Гомелі падчас паўмарафона памёр сузаснавальнік «Крумкачоў», вядомы піяніст Юрый Бліноў
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары