Прадстаўнікі войска абвясцілі пра кантроль над уладай у Зімбабвэ. Адпаведная заява была выпушчана па нацыянальным тэлебачанні 15 лістапада. У выступе адзначаецца, што войска не спрабуе зрынуць прэзідэнта краіны Роберта Мугабэ, але хоча «разабрацца з злачынцамі ў ягоным атачэнні». Сам прэзідэнт, як сцвярджаецца, знаходзіцца «ў поўнай бяспецы».
«Мы жадаем запэўніць нацыю ў тым, што ягамосць прэзідэнт і яго сям'я жывыя і здаровыя і іх бяспека гарантаваная», — заявіў у эфіры тэлеканала чалавек у камуфляжы. У гэтым чалавеку апазналі генерал-маёра Моя, які ўзначальвае тылавое ўпраўленне зімбабвійскага генштаба.
Пры гэтым паведамляецца аб затрыманні міністра фінансаў Ігнаціуса Чомбэ — кіраўніка адной з фракцый кіроўнай партыі Зімбабвійскі афрыканскі нацыянальны саюз — Патрыятычны фронт.
Заява пра захоп улады была зроблена пасля таго, як у сталіцы краіны Харарэ з'явілася вайсковая тэхніка і пачаліся перастрэлкі. Стрэлы былі чуваць у тым ліку каля рэзідэнцыі Мугабэ.
Падставай для канфлікту паміж вайскоўцамі і кіраўніцтвам краіны стала адстаўка 71-гадовага віцэ-прэзідэнта краіны Эмерсана Мнангагвы. 13 лістапада камандуючы арміяй генерал Канстанцін Чывенга абвясціў, што не дапусціць чыстак у дачыненні да сваіх аднадумцаў у кіроўнай партыі.
Чывенга выступіў супраць таго, каб замест Мнангагвы пераемнікам прэзідэнта Мугабэ стала яго жонка Грэйс Мугабэ.
Мугабэ і яго прадстаўнікі пакуль не рабілі ніякіх заяваў.
93-гадовы Мугабэ жалезнай рукой кіраваў краінай ад 1980 года, калі краіна атрымала незалежнасць. Ён паслядоўна душыў варожыя да сябе рэгіёны і апазіцыю, хоць у крызісны перыяд быў вымушаны стварыць кааліцыйны ўрад з удзелам лідараў апазіцыі.
52-я Грэйс Мугабэ была жонкай пілота зімбабвійскай авіяцыі і працавала ў Адміністрацыі прэзідэнта сакратаркай, калі стала каханкай прэзідэнта. Яна спрабавала згуртаваць вакол сябе моладзь з уладных колаў. У той жа час на чале войска стаіць старэйшае пакаленне — ветэраны вайны за незалежнасць.
Аснову экспарту Зімбабвэ складаюць тытунь, ферасплавы і нікель.
Зімбабвійская армія налічвае 30 тысяч байцоў, яшчэ 25 тысяч уваходзяць у ваенізаванае апалчэнне.
На момант прыходу да ўлады Мугабэ Зімбабвэ была адной з першых у Афрыцы па памеры ВУП на душу насельніцтва. На сёння яна апусцілася ў ніз спісу.
-
З-за прэтэнзій Трампа на Грэнландыю ў дацкім урадзе з’явіўся асаблівы начны вартаўнік
-
«Мы проста хочам дадому». Паўднёваафрыканец расказаў, як дачка экс-прэзідэнта Зумы падманам завербавала яго ваяваць ва Украіне на баку Расіі
-
Манахіням, якія збеглі з дома састарэлых у свой манастыр, дазволілі застацца там пры ўмове, што яны пакінуць сацсеткі
Цяпер чытаюць
Памятаеце немаладога актывіста, які па дурасці зняўся ў прапагандысцкім кіно БТ? У Польшчы ён уляпаўся яшчэ і ў шпіянаж3
Каментары