Бацька амерыканскага салдата, які загадкава памёр у мінулым месяцы падчас паездкі ў Беларусь, лічыць, што ён быў забіты, перадае Daily Mail.
Па словах бацькі, Кайл Тэйфэл (Kyle Tafel) прыляцеў у Беларусь з дзвюма сваімі цёткамі — адна з іх брала ўдзел у спаборніцтвах па класічным паўэрліфцінгу ў якасці трэнера.
Пры канцы паездкі Кайл, па словах яго бацькі, увязаўся ў канфлікт з супрацоўнікамі бяспекі ў казіно гатэля, у якім яны спыніліся. Амерыканца даставілі ў нумар, а праз тры гадзіны сваячкам вайскоўца паведамілі, што яго цела знойдзена на тратуары ля гатэля.
Цела 36-гадовага Кайла Тэйфэла, які 17 год адслужыў у амерыканскай арміі, было дастаўлена ў ЗША ў сераду. Яго пахаванне пройдзе на Нацыянальных могілках Джорджыі.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары