Музыка5050

На Еўрабачанні перамог партугалец, хворы на парок сэрца

На Еўрабачанні перамог партугалец Сальвадор Сабрал, хворы на парок сэрца. Гэта стала ясна задоўга да сканчэння падліку галасоў, такі вялікі быў адрыў. 

Сабрал скарыў Еўропу магічнай і шчымлівай баладай. Ён спяваў па-партугальску. Песню напісала ягоная родная сястра. У ёй ёсць і энергетыка, і сардэчнасць. «Музыка — гэта не пра шоу, не пра феерверкі, музыка — гэта пра пачуцці, вось што я хацеў сказаць», — прамовіў пераможца са сцэны, калі яму ўручылі прыз.

На фінальнае выкананне песні Сабрал выйшаў з сястрой, і яны чароўна заспявалі песню разам.

За яго прагаласавалі і журы, і гледачы абсалютнай большасці краін.

Другое месца заняў 17-гадовы спявак з Балгарыі. На трэцім — жартаўлівы хіт з Малдовы.

Што датычыць Navi, то 12 балаў нашым паставілі журы Украіны і Азербайджана. Агулам прафесійныя журы краін Еўропы далі нашаму гурту 50 балаў, а вось гледачы — толькі 33 балы.

У цэлым Navi занялі 17-е месца з 26 у фінале Еўрабачання. Гэта адзін з самых удалых выступаў у гісторыі ўдзелу Беларусі ў конкурсе.

Чытайце таксама: Хто прагаласаваў за Navi — спіс сяброў Беларусі

З кур'ёзаў: падчас выступу Джамалы на сцэну выскачыў мужчына і паказаў голы зад.

Але гэта не сапсавала агульнай атмасферы свята, якая панавала ў Кіеве. Украіна хацела паказаць сябе адкрытай, еўрапейскай, талерантнай краінай, і ёй гэта ўдалося.

Партугалія ўдзельнічае ў Еўрабачанні 53 гады запар без адзінага пропуску. І за гэты час ні разу не выйгравала конкурсу. Больш за тое, ніводзін партугальскі артыст ні разу нават не трапляў у пяцёрку найлепшых! І вось — шчыры і натуральны спявак скарыў слухачоў у самых розных краінах.

Чытайце таксама: Ксенія і Арцём нечакана пацалаваліся пры канцы сваёй песні ФОТА

Каментары50

Цяпер чытаюць

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі39

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі

Усе навіны →
Усе навіны

Уіткаф даедзе да Пуціна ў першай палове наступнага тыдня4

Каля берагоў Турцыі загарэўся танкер ценявога флоту Расіі1

Аб'явілі конкурс, каб знайсці сімвал чэмпіянату па колцы дроў7

Квіткі на ўсе навагоднія прадстаўленні ў Белдзяржцырку размялі за пару дзён. А попыт застаўся не задаволены

У Гомелі асудзілі мясцовага евангельскага прапаведніка. Верагодна, па справе Гаюна1

Лукашэнка прыляцеў у Аман5

Выкрадзенаму каліноўцу Васілю Верамейчыку прысудзілі 13 гадоў зняволення8

Правілы рэгістрацыі аўтамабіляў істотна спрасцілі

На базе найноўшых ядзерных ракет у Расіі прагрымеў моцны выбух6

больш чытаных навін
больш лайканых навін

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі39

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі

Галоўнае
Усе навіны →

Заўвага:

 

 

 

 

Закрыць Паведаміць