Хрысціянска-дэмакратычная партыя (ХДС) з амаль 40% галасоў выбаршчыкаў перамагла ў нядзелю, 31 жніўня, на выбарах у зямельны парламент Саксоніі.
Аднак ХДС прыйдзецца шукаць новага партнёра па кааліцыі з-за правалу Свабоднай дэмакратычнай партыі (СвДП). Прэм'ер-міністр Саксоніі, хрысціянскі дэмакрат Станіслаў Цілі не выключае магчымага саюза з сацыял-дэмакратамі або «зялёнымі», паведамляе агенцтва AFP.
Даволі нечакана моцна правяла выбары ў саксонскі ландтаг маладая партыя «Альтэрнатыва для Германіі». Аднак Цілі заявіў, што гэтая палітычная сіла не адносіцца да ліку магчымых партнёраў ХДС.
Паводле папярэдніх падлікаў, у ландтаг Саксоніі прайшлі ХДС (39,4% галасоў), Левая партыя (18,9%), Сацыял-дэмакратычная партыя Германіі (12,4%), «Альтэрнатыва для Германіі» (9,7%), «Саюз-90» / «зялёныя» (5,7%). Пяціадсоткавы бар'ер не змаглі пераадолець праварадыкальная Нацыянал-дэмакратычная партыя Германіі (4,95%) і ліберальная СвДП (3,8%), якія сталі няўдачнікамі мінулых выбараў.
Каментары