Стакгольмскі суд прызнаў грамадзянку Беларусі Вольгу Класкоўскую вінаватай у замаху на забойства свайго мужа Гёкана Безгіна і прыгаварыў яе да васьмі гадоў турэмнага зняволення.
Як паведаміла БелаПАН журналістка Юлія Лапіцкі, якая жыве ў Швецыі і сочыць за гэтым працэсам, па рашэнні суда Вольга Класкоўская таксама павінна выплаціць грашовую кампенсацыю Безгіну ў памеры 110 тысяч шведскіх крон.
«Суд палічыў, што падчас працэсу былі прадстаўленыя дзве наогул процілеглыя версіі падзей. Праўдзівай была прызнаная версія Гёкана Безгіна, а не Вольгі Класкоўскай. Пры гэтым суд палічыў, што ў справе няма змякчальных для Вольгі акалічнасцяў. Не ўлічаны былі нават паказанні Класкоўскай, якая абвінавачвала Безгіна ў збіванні і згвалтаванні», — расказала Лапіцкі.
Сёння прыгавор у дачыненні да Класкоўскай вынес суд першай інстанцыі. Паводле слоў Лапіцкі, у яе ёсць магчымасць яго абскардзіць у судзе другой інстанцыі і Вярхоўным судзе. Раней Класкоўская заяўляла, што ў выпадку абвінаваўчага прыгавору будзе яго абскарджваць.
Нагадаем, на папярэднім пасяджэнні суда, якое адбылося 13 жніўня, пракурор запатрабаваў для Вольгі Класкоўскай восем гадоў пазбаўлення волі і грашовую кампенсацыю ў памеры 130 тысяч шведскіх крон. На тым жа пасяджэнні былі абвешчаныя вынікі
Паводле слоў Юліі Лапіцкі, падчас судовых пасяджэнняў Вольга катэгарычна адмаўляла сваю віну і нават спрабавала абвінавачваць шведскую дзяржаву. У прыватнасці, яна заявіла, што шведскія ўлады спрабуюць яе забіць, бо спачатку — незаконна яе дэпартавалі, затым — незаконна забралі яе дзіця, а пасля — спрабуюць «згнаіць у турме».
Пра затрыманне Вольгі Класкоўскай стала вядома 2 красавіка. Яе затрымалі ў горадзе Ханінгу на поўдзень ад Стакгольма і змясцілі ў турму Окерсберга за 30 км на паўночны ўсход ад Стакгольма.
Некалькі гадоў таму Класкоўская атрымала статус палітычнага бежанца ў сувязі з пераследам на радзіме за апазіцыйныя перакананні. У 2011 годзе Вольга вярнулася ў Беларусь
6 лютага прадстаўнікі сацыяльных службаў Швецыі забралі ў Класкоўскай малалетняе дзіця ў сувязі з тым, што ў яе няма віду на жыхарства ў гэтай краіне і яна не можа забяспечыць сыну нармальныя ўмовы пражывання. 8 лютага Класкоўская з адвакатам сустракалася з прадстаўніком сацслужбаў, які паведаміў, што дзіця перададзена бацьку. Дачка Класкоўскай Міраслава па рашэнні шведскіх уладаў таксама падлягала дэпартацыі. У Швецыю па дзяўчынку ездзіла яе бабуля, маці Вольгі. Цяпер Міраслава знаходзіцца ў Беларусі.
Каментары