Скарга Ю.Алейніка, адлічанага з чацьвёртага курсу Акадэміі кіраваньня, будзе разгледжана судом Кастрычніцкага раёну Менску.
Нагадаем, 4 чэрвеня адлічаны Ю.Алейнік звярнуўся ў суд Кастрычніцкага раёна. Малады чалавек лічыць, што яго выключылі з ВНУ за актыўную грамадскую дезйнасць: ён з’яўляецца членам ГА «Таварыства беларускай мовы» і супрацоўнічае з РГА «Беларуская асацыяцыя журналістаў». У сакавіку‑красавіку Ю.Алйнік арганізоўваў збор подпісаў супраць адмены льготаў студэнтам. У загадзе аб адлічэнні прычынамі названы «сістэматычныя парушэнні вучэбнай дысцыпліны і правілаў унутранага распарадку».
5 ліпеня суд Кастрычніцкага раёна Мінска прызнаў непадведамаснай справу аб выключэнні Ю.Алейніка з ВНУ з матывіроўкай: «Акадэмія кіравання пры прэзідэнце падсправаздачная прэзідэнту». 12 ліпеня малады чалавек падаў касацыйную скаргу на рашэнне суда Кастрычніцкага раёна ў Мінск гарадскі суд. 6 жніўня Мінгарсуд задаволіў скаргу былога студэнта і накіраваў справу на новы разгляд у суд Кастрычніцкага раёна.
14 жніўня ў судзе Кастрычніцкага раёна адбылася папярэдняя гутарка, падчас якой была заслухана пазіцыя бакоў. Адвакат Ю.Алейніка Ларыса Атаманчук настойвае на адмене загада аб адлічэнні. Прадстаўнікі акадэміі кіравання пры прэзідэнце па‑ранейшаму не прызнаюць іск і лічаць, што адлічэнне было правамерным.
Да 28 жніўня бакі маюць магчымасць удакладніць пазіцыю. За гэты час Л.Атаманчук плануе змяніць іскавы зварот у суд на скаргу, у якой будзе абскарджаны загад рэктара аб адлічэнні.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары